Klement Gottwald

Z Wikipedije, swobodneje encyklopedije
Zur Navigation springen Zur Suche springen
Klement Gottwald (1947)

Klement Gottwald (* 23. nowembra 1896 w Dědicach na Morawje; † 14. měrca 1953 w Praze) bě čěskosłowakski komunistiski politikar.

Wot 1929 do 1948 bě předsyda Komunistiskeje strony Čěskosłowakskeje (KSČ). Po Druhej swětowej wójnje bě wot 1946 do 1948 najprjedy ministerski prezident a po februarskim přewróće 1948 hač do swojeje smjerće 1953 prěni komunistiski statny prezident Čěskosłowakskeje.

Gottwaldowy stalinistiski režim płaći jako najrepresiwniša doba komunistiskeje diktatury w Čěskosłowakskej. Mjez 1948 a 1953 wotprawichu so 178 ludźi z politiskich přičin. Dalši zemrěchu w dźěłanskich lěhwach a uranowych podkopkach abo buchu bjez procesa wot tajneje policije StB zamordowani. Nimo toho postupowaše Gottwald rigoroznje přećiwo nabožinskim institucijam a nutřkownostronskim riwalam kaž na přikład Rudolfej Slánskemu.

Po Gottwaldowej smjerći na slědach alkoholizma sta so Antonín Zápotocký z jeho naslědnikom.

W NDRskim času bě Nowosólska dróha w Budyšinje po Gottwaldźe pomjenowana. Wot 1949 do 1990 rěkaše morawske město Zlín Gottwaldov.

Wotkazaj

 Commons: Klement Gottwald – Zběrka wobrazow, widejow a awdiodatajow
Z Wikipedije, swobodneje encyklopedije