Markus Söder

Z Wikipedije, swobodneje encyklopedije
Zur Navigation springen Zur Suche springen
Markus Söder w lěće 2012

Markus Thomas Theodor Söder (* 5. januara 1967 w Nürnbergu) je němski politikar strony CSU a wot 16. měrca 2018 jako naslědnik Horsta Seehofera ministerski prezident Bayerskeje.

Promowowany jurist je wot lěta 1994 čłon bayerskeho krajneho sejma a bě wot 2003 do 2007 generalny sekretar CSU. Wot 2007 do 2008 bě statny minister za zwjazkowe a europske naležnosće, wot 2008 do 2011 statny minister za wobswět a strowotnistwo a wot 2011 do 2018 minister za financy, krajne wuwiće a domiznu. Wón bě načolny kandidat swojeje strony při wólbach do krajneho sejma dnja 14. oktobra, w kotrychž dósta CSU 37,2 % a zhubi absolutnu wjetšinu w parlamenće.

Wón je ewangelski, zmandźeleny a ma ze swojej mandźelskej tři dźěći kaž tež jednu dźowku z prjedawšeho poćaha.

Wotkazy

 Commons: Markus Söder – Zběrka wobrazow, widejow a awdiodatajow
Z Wikipedije, swobodneje encyklopedije