Nowe Koporcy

Z Wikipedije, swobodneje encyklopedije
Zur Navigation springen Zur Suche springen
Nowe Koporcy
Neukuppritz
gmejna: Bukecy
wobydlerstwo: 20 (31. decembra 2016)[1]
wysokosć: 265 metrow n.m.hł.
51.14257314.581965265
póstowe čisło: 02627
předwólba: 035939
wotwodźene
słowa:
wobydler/ka:
Nowokoporčan/-ka
adjektiw:
Nowokoporski
skłonowanje:
Nowych Koporc, Nowym Koporcam, Nowe Koporcy, Nowymi Koporcami, w Nowych Koporcach
Powětrowy wobraz Nowych Koporc

Powětrowy wobraz Nowych Koporc

Wobdźěłać
p  d  w
Information icon.svg

Nowe Koporcy (němsce Neukuppritz) su małe hornjołužiske sydlišćo na samym wuchodźe Budyskeho wokrjesa, kotrež słuša wot lěta 1936 do Bukečanskeje gmejny.

Geografija

Leža we wysokosći wot 265 metrow nad mórskej hładźinu něhdźe kilometer juhowuchodnje Bukec při B 6. Niže wjeski ćeče Koporska woda, kotraž zastaruje Nowokoporski hat z wodu.

Susodne wjeski su Koporcy na sewjeru, Błócany na juhowuchodźe, Žornosyki na juhu, Wuježk a Nowy Wuježk zady lěsa na juhozapadźe kaž tež Bukecy na sewjerozapadźe.

Stawizny

Z 18. lětstotka znajemy Nowokoporski hosćenc „K běłemu kołpjej“ (abo „šwonej“) při Lubijskej šoseji mjez Bukecami a Błócanami. Sydlišćo słuša hižo přeco ke Koporcam a do Bukečanskeje wosady.[2] Wot prěnjeje połojcy 19. lětstotka běše tule, při starym puću a dźensnišej kolesowarskej šćežce, zaměstnjena wowčernja Koporskeho ryćerkubła (wulki statok na zapadnym kóncu sydlišća). Wokoło hosćenca a wowčernje nastawaše potom sydlišćo.

Wosobiny

Po swojim nawróće z druheje swětoweje wójny bydleše Frido Mětšk wěsty čas w něhdyšej Mosigec korčmje w Nowych Koporcach.


Žórła

  • Theodor Schütze: Zwischen Strohmberg, Czorneboh und Kottmar (= Werte unserer Heimat. Zwjazk 24). 1. nakład. Akademie Verlag, Berlin 1974, str. 62.
  1. staw: 31. decembra 2016; Podaća gmejnskeho zarjada Bukecy
  2. Koporcy w Digitalnym stawizniskim zapisu městnow Sakskeje (němsce)
Z Wikipedije, swobodneje encyklopedije